My Weblog

தமிழில் தட்டெழுதுங்கள்!

mtbalu — Sun, 10 Feb 2008 09:00:00 +0000

போன வெள்ளிக் கிழமை, கல்லூரி மூத்தவர் ஒருத்தங்ககிட்ட GTalk-ல பேசிட்டிருந்தப்போ, நான் ஒருங்குறி(unicode) தமிழ்-ல தட்டெழுதிட்டிருந்ததப் பார்த்து, செம மகிழ்ச்சி அவங்களுக்கு.. எப்படி தமிழ்-ல தட்டெழுதறதுனு கேட்டாங்க.. அவங்களுக்கு அப்போவே சில சுட்டிகள் கொடுத்தேன்.. அப்புறந்தான் இதைப் பத்தி விரிவா ஒரு பதிவெழுதனா என்ன-னு தோணுச்சு..

தமிழ்-ல தட்டெழுதறது எப்படின்னு பார்க்கறதுக்கு முன்னாடி, இரண்டு கலைச்சொற்களும், அவற்றோட பயன்பாடும் புரிஞ்சிக்கறது ரொம்ப உதவியா இருக்கும்:

1. விசைப்பலகை வடிவமைப்பு (Keyboard Layout)
நம்ம விசைப்பலகையில எழுத்துக்கள் எப்படி வரிசையிட்டிருக்காங்க-ங்கறது.
[நம்மில் பலர் ஆங்கில KeyBoard பார்க்கறப்ப, ஏன் இப்படி தாறுமாறா QWERTYUIOP - னு எழுத்தெல்லாம் வச்சிருக்காங்க, ABCDEFGHIJK - னு வச்சிருந்தா பார்த்து அடிக்க எவ்ளோ எளிதா இருக்கும்னு நினைச்சிருப்போம்.. அது போல, வகைவகையா தமிழ் வடிவமைப்புகள் இருக்கு.]
பழைய தட்டச்சு முறை, புதிய தட்டச்சு முறை, பாமினி, தமிழ்99, அஞ்சல், பேச்சுமுறை(Phonetic)-னு பல வடிவமைப்புகள் இருந்தாலும் [இதுல ஒரே வடிவமைப்புக்கு பல பேர்களும் இருக்கு!] இன்னைக்கு வலை அன்பர்கள் பெரும்பாலானோர் பேச்சுமுறை-யையே தட்டெழுத பயன்படுத்துறாங்க.
தமிழ் விசைப்பலகை வடிவமைப்புகள் ஒப்பீடு..
தமிழ்மொழி சார்ந்த நோக்கத்துல பார்க்கறப்போ தமிழ்99-ஏ சிறந்த வடிவமைப்பு என்பதால், முடிந்தவரை இதை பயன்படுத்தணும்னு தமிழறிஞர்கள் சொல்றாங்க.. நானும் முயற்சி செய்யுறேன்.. நீங்களும் செய்யுங்க..

2.குறியேற்றம் (Encoding)
நம்ம அடிக்கற எழுத்துகளை கணிணி எப்படி கையாளும்-ங்கறது.
[நாம தமிழ் எழுத - வட்டெழுத்துகளும், ஆங்கிலத்துல தமிழ் எழுதறதும், இது போல பல முறைகள் பயன்படுத்தறோம்; கணிணி தமிழ் எழுத என்ன பயன்படுத்தும்-ங்கற வழியில சிந்திச்சுப்பாருங்க..]
TAB, TAM, TSCII, TUNE, தினமணி, தினத்தந்தி-னு ஆளாளுக்கு ஒரு குறியேற்றம் வச்சிருந்தாலும், ஒருங்குறி(Unicode) தான் இன்னைக்கு பரவலா இருக்கு. அதில்லாம, அதிக இணையதளங்களும், மென் ஒருங்குகளும்(Applications) ஒருங்குறி தமிழ் தான் பயன்படுத்துது.. (நீங்க படிச்சிகிட்டிருக்க இந்த எழுத்துகள் ஒருங்குறியில எழுதப்பட்டவை.)
அதியன் Firefox addon – குறியேற்றங்களை ஒருங்குறிக்கு மாற்ற..

சரி, இது போதும்னு நினைக்கறேன். இப்போ, தமிழ்-ல தட்டெழுதறது எப்படினு பார்க்கலாம்.. தமிழ்-ல தட்டெழுதறது இரண்டு வகையில எழுதலாம் – இணையதளங்கள் மூலமா தட்டெழுதி, வெட்டி-ஒட்டுறது; அதுக்காக தனியா மென்பொருள் பயன்படுத்தி, நேரடியா தமிழ்-லயே எழுதறது;

வெட்டி-ஒட்டுற முறைதான் தொடக்க காலத்துல இருந்து அதிகமா பயன்படுத்தப்பட்டு வந்தது, ஆனா மென்பொருட்கள் தனியா வரத் தொடங்கியதும், வெட்டு-ஒட்டு தேவையில்லாததாலயும் எந்த மென்பொருள்-ல வேணும்னாலும் [GTalk, Messenger, Office, ..] பயன்படுத்தலாங்கறதுனாலயும், தட்டெழுத்து மென்பொருள்கள் பரவலாய்க்கிட்டு இருக்கு.. நீங்களும் அந்தமாதிரி மென்பொருள் பயன்படுத்தறதே சிறந்தது.

வெட்டி-ஒட்டு தட்டெழுத்து இணையதளங்கள்:
புதுவை தமிழ் எழுதி – நாங்க கல்லூரி படிக்கும்போது தட்டெழுத பயன்படுத்தனோம்..
கிள்பேட்
தகடூர்
தமிழ்99 முறையில் தட்டெழுத..
இதுல பேச்சுமுறைல அடிக்கறது ரொம்ப எளிதுங்க – vaNakkam -னு அடிச்சா, வணக்கம்-னு வரும்.. இதுல சில தளங்கள் மத்த வடிவமைப்புகள்-லயும் அடிக்க விடறாங்க..

தமிழ் எழுதி மென்பொருட்கள்:
எ-கலப்பை
கிழக்குப் பதிப்பகம் எழுதி

தமிழ்விசை Firefox Addon

மென்பொருட்களை பொருத்தறது, திறக்கறது, எழுதறதுனு, பொதுமக்கள் பயப்படுவாங்க-ன்னாலும், இதுங்கள பொருத்தறது ரொம்ப எளிதுங்க.. யார் வேணா செய்யலாம்.. முயற்சி செஞ்சு பாருங்க, முடியலனா என்னைக் கேளுங்க, நான் உதவறேன்..
தமிழ்99-உம் எ-கலப்பையும்

மேலும் விவரங்களுக்கு..
தமிழ் விக்கிப்பீடியா உதவிப்பக்கம்

பி.கு.: இதில் அதியன், தகடூர், தமிழ்விசை – ஆகியவற்றின் ஆக்கத்தில் என் அண்ணனுக்கு(பெரியவர்) பெரும்பங்கு இருப்பதில் எனக்கு பெருமை.

நினைவில் உள்ள காட்சி காயுமா?

mtbalu — Sat, 09 Feb 2008 12:08:00 +0000

எங்கோ எங்கோ ஓர் உலகம்,
உனக்காகக் காத்துக் கிடக்கும்;
நிகழ்காலம் நதியைப் போல,
மெல்ல நகர்ந்துப் போகுதே..
நதி காயலாம்..
நினைவில் உள்ள காட்சி காயுமா?

பாடல் விவரங்கள் மற்றும் முழுவரிகள் -
முழுவரிசையில்

அணையில் பிடித்த அனை

mtbalu — Sat, 09 Feb 2008 09:00:00 +0000

நேத்து வரி-சைல போட்டிருந்த பாடல் பத்தி அண்ணன்[பெரியவர்] ஒரு பிழை அனுப்புனாரு.. “அணைத்து நனைந்தது” – அணைத்து-க்கு இரண்டு சுழி ‘ன’ தான் வரும்னு..

அவர் சொன்ன கருத்து –
அணை : அணைக்கட்டு, நீர்த்தேக்கம்
அனை : கட்டிப்பிடித்தல், அவித்தல்

இதென்னடா இது, நாமளும் எவ்ளோ தமிழ் படிச்சிருக்கோம், எங்கயுமே “அனை” பார்த்ததில்லயே, சரி, பார்த்துட்டா போச்சுனு சென்னைப் பல்கலை தமிழகராதி-ல போய் பார்த்ததுல புதுச்சொல் ஒன்னோட பொருள் புரிந்ததது..

அனை¹ – அந்த, அனை² – மீன்வகை
அணை²-த்தல் – தழுவுதல், கட்டுதல், அவித்தல், கூட்டிமுடித்தல, உண்டாக்குதல்,
அணை³ – அணைக்கட்டு

[சென்னைப் பல்கலைக்கழக தமிழகராதியில் இருந்து..]
[ஆக்கப் பொது உரிமத்தின் கீழ்.. Under Creative Commons License]

அதனால அடுத்த தடவ மேட்டூர் போகும்போது,
அனை(அந்த) அணையில் அனை(மீன்) பிடித்து படகுல அணை(கட்டு)த்திடலாம்..

அண்ணன் சுட்டிக்காட்டியது பிழையில்லனாலும், அவரால தமிழின் சொற்சுவைய அறிந்திருக்கோமில்ல!!

பி.கு.: அண்ணன் : பெரியவர், சின்னவர் – இரண்டுபேர் இருக்காங்க!

அடுத்த அடியென்ன எடுப்பது நான்;

mtbalu — Sat, 09 Feb 2008 04:50:00 +0000

அணைத்து நனைந்தது தலையணைதான்,
அடுத்த அடியென்ன எடுப்பது நான்;
படுக்கை விரித்தது உனக்கெனத்தான்,
இடுப்பை வளைத்துனை அணைத்திடத்தான்;

பாடல் விவரங்கள் மற்றும் முழுவரிகள் -
முழுவரிசையில்

நிலவினை நம்பி, இரவுகள் இல்லை..

mtbalu — Thu, 07 Feb 2008 17:12:00 +0000

கிழக்கினில் தினம் தோன்றும் கதிரானது,
மறைவதும் பின்பு உதிப்பதும் மர‌பானது..
கடல்களில் உருவாகும் அலையானது,
விழுவதும் பின்பு எழுவதும் இயல்பானது..
நிலவினை நம்பி, இரவுகள் இல்லை..
விளக்குகள் காட்டும், வெளிச்சத்தின் எல்லை..
ஒரு வாசல் மூடி, மறுவாசல் வைப்பான், இறைவன்…

பாடல் விவரங்கள் மற்றும் முழுவரிகள் -
முழுவரிசையில்

அவன் அருள் மழையினில்..

mtbalu — Wed, 06 Feb 2008 17:15:00 +0000

அழகனின் அழகினில் இருவிழி குளிர்ந்திடும்…
அவன் விழியசைவினில் கலைகளும் மலர்ந்திடும்…
அவன் அருள் மழையினில் உணர்வுகள் சிலிர்த்திடும்…
அறிவுடன் பொருள் புகழ் அனைத்திலும் சிறந்திட…

பாடல் விவரங்கள் மற்றும் முழுவரிகள் -
முழுவரிசையில்

வரி-சை – அறிமுகம்

mtbalu — Wed, 06 Feb 2008 13:10:00 +0000

வணக்கம்,
நான் கொஞ்ச நாள் முன்னால, G-Talkல status message-ஆ நான் கேட்டுகிட்டிருக்கிற/கேட்ட பாடல் வரிகள்-ல பிடிச்ச சில வரிகள் போட்டுக்கிட்டிருந்தேன்.. அப்போ, தெரிஞ்சவங்க கிட்ட, அந்த வரிகள், எந்த பாட்டு?, என்ன படம்? – னு ஒரு போட்டியா உருவாச்சு.. அப்புறம் கொஞ்ச நாள் அப்படி போடறத விட்டுட்டேன்.
திரும்ப போடலாம்னு நினைச்சப்ப – தினம், வரிகள் போட்டு, அதோட, விவரங்களும் போட்டு, ஒரு பதிவு எழுதலாம்-னு தோணுச்சு, அந்த முயற்சி தான் இது…
இனி ஒரே ‘வரி’சைதாங்க…
முடிந்த வரை, தெரிந்த வரை, சரியா இருக்கணும்னு நினைக்கறேன்.. தவறிருந்தா திருத்துங்க..
நன்றி,
தணிகா

புதுப்பிப்பு: வரிகள் மட்டும் ‘வரி’சையில் வரும், முழுவரிகள் மட்டும் விவரங்கள் – முழுவரிசை-யில் வரும். நன்றி.
முழுவரிசை – வணக்கம்

பி.கு.,
பாடல்வரிகள் உரிமைகள் பாடலாசிரியரைச் சேரும்.

முழுவரிசை – வணக்கம்

mtbalu — Wed, 06 Feb 2008 12:32:00 +0000

வணக்கம்,

இந்த பதிவு ‘வரி’சை பதிவின், துணைப்பதிவாக தொடங்கப் படுகிறது,

‘வரி’சை பதிவின் அறிமுகம் காண..

அங்க தினம் வரிகள் போட்டு, அதோட விவரங்களையும் அங்கேயே போடறதவிட, வரிகள் மட்டும் அங்க புதிர் போல போட்டு, முழுவரிகள் & விவரங்கள், விடைபோல இங்க போடலாம்னு தோணுச்சு.. அதாங்க இது..

இப்போ வரி-சை பதிவு இதைச் சார்ந்ததா ஆயிடுச்சு..
ஆனா ‘வரி’சை இல்லனா, ‘முழுவரிசை’ வலையுலகில் பரவியிருக்கும் ஆயிரக்கணக்கான பாடல் வரி பதிவுகளோட பத்தோட பதினொன்னு, அத்தோட இன்னொன்னா, ஆயிடும்..
அதனால இரண்டையும் பாருங்க..

‘வரி’சை
முழு’வரி’சை

நன்றி,
தணிகா

ஏ நானும் ரௌடி, நானும் ரௌடி..

mtbalu — Wed, 06 Feb 2008 09:05:00 +0000

வணக்கம்,

ரொம்ப நாளா பதிவெழுதணும்னு ஆசைங்க.. ஆனா தள்ளிப் போட்டுட்டே இருந்துட்டேன்..
கடைசியா ஆரம்பிச்சுட்டோம்ல..
என்னோட முதல் வலைப்பதிவுகள் பார்க்க..
தமிழ் திரை இசைப் பாடல்கள் தான் பொருள்..
‘வரி’சை
முழு’வரி’சை

முழிச்சுட்டேன்.. இதா வரேன்..

நன்றி,
தணிகா